kimkat0349k Llith y Tramp. Ysgrif yn nhafodiaith Aber-dâr o’r Darian. 1918.

22-11-2022

.....

Gweler hefyd / Vegeu també / See also:

26 Medi 1918

17 Hydref 1918

(delwedd 0003)

Gwefan Cymru-Catalonia La Web de Gal·les i Catalunya The Wales-Catalonia Website Llith y Tramp. Y Darian. 1918. Y Llyfr Ymwelwyr / El Llibre de Visitants / The Guestbook: http://pub5.bravenet.com/guestbook/391211408/ Beth sy’n newydd yn y wefan hon?

(delwedd 4665)

.....

(delwedd J7058b)

.....

O newyddiadur ‘Y Darian’ (Aber-dâr).

...

26 Medi 1918

...

(delwedd B5418) (26 Medi 1918)

Y Darian. 26 Medi 1918. Llith y Tramp Mishtir Golycydd, Bachan pert y’ch chi a Mystres y DARIAN. Ma raid i fi wed yn ych gwymad chi’ch dau na fysa fa ddim llawer i chi alw gyta fi pan fuoch chi yn Rhydlewis. Rodd hi'n bwrw glaw’n ddychrynllyd bob dydd pan oech chi yma ne mi fyswn i weti dod i’ch gweld chi. Falla nag oech chi ddim yn gwpod mod i weti symud o sgupor Pengâr dicyn bach weti'r Nadolig. Odd Mishtir Defis yn achwyn fod llycod mawr ofnadw yn tynnu yno er pan own i yn y sgupor, a rw i'n cretu fod y llycod weti dod oddyno gyta fi. Rw i nawr yn byw ym Mhen Purlip a ma gen i dy i fi 'mhunan a'r llycod. Fues i ariod mor hapus ag w i nawr—dicon o fwyd a phawb yn gwpod nag w i ddim yn cretu mwn gwitho. Ma afon rhytag yn acos i'r ty, a rodd hi'n hwylus iawn pan odd y tywydd yn both i gal cold bath. Rown i'n gallu gneud fel ma'r merched yn gneud ar lan y mor, stripo yn y ty a dod nol i'r ty, i wishgo, ond nag odd gen i ddim mackintosh. Unwaith y bues i mwn ticyn o brofedicath yn y dwr. Rown i weti neido miwn dros 'y mhen a gyta hynny mi glywn rwpath fel eliffant yn neido ar ’y nghefan i. Pan ddes i i'r wymad, beth welwn i'n dod lan ar 'y mhwys i ond Dash Dyffryn Ceri. Wn i ddim beth odd y ci bach yn feddwl odd a weti weld, ond odd yn ddicon amlwg i fod a wedi camstaco, ys gwetws y bopol ffor hyn, a phan welws a iifi, dyma fa'n rlioi sgrech ag yn mynd yn edifeiriol iawn at i fishtir odd yn pysgota yn nes lawr. Odd Dash weti meddwl falla bysa fa'n dala pysgotyn odd gymint a’i fishtir. Ta beth i chi mi gas Dash shoc ofnadw, a dw i ddim yn meddwl iddo fa ddod ato'i hunan yn iawn tra buws a'r ochor hyn, a fuws hynny ddim yn hir. Odd a ddim felsa fa'n gyfrifol ar ol y camstac hynny, a mwn ffit o absenoldab meddwl un dwarnod mi anghofiws fynd o'r ffordd pan glyws e gorn motor yn canu a Dash druan bach gas y gwaetha. Fe fuodd yr amgylchiad yn dicyn o ysbrydiaeth i'r awen yn y cyIch. Fel hyn y canws Dan Rhys Jones, Penywern, i Dash: Ardal Hawen gyda gofid, Dagrau dwy« a chwerw iawn, Glywodd farw yn ddisyfyd Gi bach annwyl un prynhawn. Gwyddai'r fro yn dda am dano Fel ci ffyddlon drwy i oes; Mhlith y cwn roedd Dash yn sheino, Nid oedd byth yn chwyrn na chroes. Sychwch, Mishtir Jones, eich dagrau, Y mae Dash uwchlaw gofidiau. Ma Ioan Glandwr yn gwed wrthw i am wed "mai mal hyn y cant ynta": Deffro, f'awen, deffro, Cana nawr yn wir, Ci bach a fu farw, Y goreu'n y tir; Ei enw ydoedd Dash, Aeth dan y motor—smash! Mewn munud roedd yn hash, A dyna ddiwedd Dash, O Ddyffryn Ceri. —Ioan Glyndwr a'i cant. Mi ddylswn wed wrthoch chi fod Dafi Rhys Jones yn gymytog acos i fi. Mi fues i'n treio câl ganto fe ddod i'r dwr gyta fi. pan fyswn i’n câl bath yn yr afon, ond dim shwd beth. Fynsa fa ddim er i groci molchyd mwn afon. Ma yma ardal dalentog iawn ffor hyn. Ma beirdd yn tyfu yma fel tatws, a ma nhw'n canu fel atar yn y côd.—Yr iddoch hyd byth, TRAMP.

(delwedd L2144) (17 Hydref 1918)

Y Darian. 17 Hydref 1918. Llith y Tramp Mishtir Golycydd,  — Ma Dafi Rhys Jones a loan Glyndwr yn ddiolchgar iawn i chi am roi hanfarwoldeb arnyn nhw wrth roi ’u barddoniath nhw i "Dash" yn y DARlAN. Ma Ioan Glyndwr yn diolch hefyd i'r dyn galluog a pharchus sy’n golycu’r "Western Meil" am gwnni i bishin a o'r DARIAN a'i roi a yn i bapur clodwiw i hunan. Ma fa'n cownto hynny'n anrhytadd digyffelyb. Ma lot o feirdd wedi bod gyta fi ym Mhenpurlip a na nhw weti pendrafynu ngneud i yn olycydd u barddoniath nhw. Rw inna ar ol hystyriath ddwys, os gwetws pygethwrs fydd weti cal galwad, wedi pendrafynnu derbyn y swydd. Ma pymthag ar hican o bishis wedi dwad i law ishws a ma ticyn o bob un o nhw'n deilwng o ola dydd. Ma ican o henyn nhw ar destyn hynod o amserol sef “Y tywydd glŷb." Fel hyn y canws Danial Tomos, Nanty: Mae’n dywydd glyb a garw, Wel odi, tawn i'n marw; "Does diwedd ar y bwrw Na bore na phrynhawn. Ma'r afon hithe'n ferw Yn rhuo'n fawr i thwrw A phydra llawer erw O sgube gwerthfawr iawn. Ardderchog fardd Nanty. 'Dwy'r deunaw pennill arall ddim cysled, ond daliwch ati. Mi fyse'r hen feirdd a Bera yn canu'r pennill yna fel hyn: Mae hi'n dywydd glyb a garf, Wel odi tawn i yn marf, 'Does dim diwedd ar y bwrf. Na bore na phrynhawn. Ma'r afon hithe yn ferf, Yn rhuo yn fawr ei thwrf, A phydra mae llawer erf O sguba gwerthfawr iawn. Bardd arall uwchraddol iawn halws bishin i fi yw Tomos Tomos, y gof haiarn. Canu iddi wedjan mai fe, fel ma fa'n arfadd a gneud. Dyma ddau bennill o'r ddau ar hican: Fy meinir fwyn anwylaf, Hyd derfyn oes mi’th garaf, Ni chawn i'th debig yn y byd, Pe chwiliwn hyd glangaeaf. O rwyt ti'n eneth loew, Ac ar dy droed yn hoew; A phurach, feinir, ydwyt ti I mi na'r bara croew. Wn i ddim pam ma fa cyfflybu i feinir i fara croew. Gobeitho nag yw a ddim meddwl troi'n ganibal a'i byta hi. Mi glywas am un yn gwed wrth i wraig: ôn i'n dy garu di gymint un amser nes on i'n teimlo gallwn i dy fyta di gan mor neis ot ti, a rw i'n awr yn dyfaru na fyswn i wedi gneud. Ma bachan o Rhydlewis yma yn byw yn y Sefn Sisters a ma fa weti hala llyfyr rhyfeddol iawn o waith Toriel i fi idd i rifiwo. "The White Lily" yw enw'r llyfyr a ma Toriel yn awdurdod ar lilis. — Yr eiddoch, fel cydolycydd a rifiwar. TRAMP.

Sumbolau:

a A / æ Æ / e E / ɛ Ɛ / i I / o O / u U / w W / y Y /
ā Ā / ǣ Ǣ / ē Ē / ɛ̄ Ɛ̄ / ī Ī / ō Ō / ū Ū / w̄ W̄ / ȳ Ȳ /
ă Ă / ĕ Ĕ / ĭ Ĭ / ŏ Ŏ / ŭ Ŭ /
ˡ ɑ ɑˑ aˑ a: / æ æ: / e eˑe: / ɛ ɛ: / ɪ iˑ i: / ɔ oˑ o: / ʊ uˑ u: / ə / ʌ /
ẅ Ẅ / ẃ Ẃ / ẁ Ẁ / ŵ Ŵ /
ŷ Ŷ / ỳ Ỳ / ý Ý / ɥ
ˡ ð ɬ ŋ ʃ ʧ θ ʒ ʤ / aɪ ɔɪ əɪ uɪ ɪʊ aʊ ɛʊ əʊ / £

ә ʌ ẃ ă ĕ ĭ ŏ ŭ ẅ ẃ ẁ Ẁ ŵ ŷ ỳ Ỳ
---------------------------------------
Y TUDALEN HWN /THIS PAGE / AQUESTA PÀGINA:
www.kimkat.org/amryw/1_testunau/sion_prys_125_llith-y-tramp_1918_0349k.htm
---------------------------------------
Creuwyd / Created / Creada: 02-06-2017
Adolygiadau diweddaraf / Latest updates / Darreres actualitzacions: 10-02-2019 22-11-2017, 03-06-2017, 02-06-2017
Delweddau / Imatges / Images:

Ffynhonnell / Font / Source: Llyfrgell Genedlaethol Cymru. Newyddiaduron Cymru Arlein.
---------------------------------------
Ble'r wyf i? Yr ych chi'n ymwéld ag un o dudalennau'r Wefan CYMRU-CATALONIA
On sóc? Esteu visitant una pàgina de la Web CYMRU-CATALONIA (= Gal·les-Catalunya)
Where am I? You are visiting a page from the CYMRU-CATALONIA (= Wales-Catalonia) Website
Weə-r äm ai? Yüu äa-r víziting ə peij fröm dhə CYMRU-CATALONIA (= Weilz-Katəlóuniə) Wébsait

Freefind.

Archwiliwch y wefan hon
SEARCH THIS WEBSITE
---
Adeiladwaith y wefan
SITE STRUCTURE

Beth sydd yn newydd?
WHAT’S NEW?

Edrychwch ar ein Hystadegau / Mireu les nostres Estadístiques / View Our Stats (Y Wenhwyseg / el dialecte gwentià / Gwentian)